狗狗鐘意咬鞋點算好?
Posted by Wonderland
「咬」本來就係狗狗嘅天性,人類可以用手好靈活咁感覺物件,但狗狗嘅手冇咁靈活 ,好自然用「咬」呢個形式去感受事物。
若果狗狗經常咬「唔應該咬」嘅嘢,呢個時候就要作出適當嘅訓練啦 !重點係「興趣」 與「習慣」。首先要買返啲耐咬玩具,鼓勵狗狗玩 ,從而培養對玩具嘅「興趣」。開始時可以先收起嗰件「唔應該咬」嘅物件,等狗狗減少咬「唔應該咬」 嘅物件嘅次數 ,增加咬玩具嘅次數,培養想咬嘢時就咬玩具嘅「習慣」。當然,就算狗狗培養好咬嘢時就咬玩具嘅「習慣」都好 ,偶爾都會好奇咬吓其他嘢。但「習慣」培養好,咬其他嘢機會就會少啦 !想學多啲就上上訓練班啦!