「分離焦慮症」?
Posted by Wonderland
每次出門,狗狗都吠個不停或四處搗亂,咁係因為狗狗寂寞了。狗狗同人一樣會感到壓力,感到寂寞,感到焦慮,而要減了呢種因為主人離開而感到嘅寂寞同焦慮,就係要比佢知「自己一個其實都唔錯㗎」!
要訓練狗狗習慣「自己一個其實都唔錯㗎」,首先要記住就係「低調」。有啲主人出門同入門口個陣都好「高調」,「拜拜啦」、「我走啦,要乖啲呀」、「我返嚟啦,好掛住你呀」咁真係係狗都知你要走,道別越痴痴,分離越不捨!主人出門同入門口反差咁大,狗狗梗係唔捨得啦。記住:主人出門,如入房去廁所 —— 「低調 + 玩具」
擺低啲玩具比狗狗打發吓時間,出門口個陣好似平時去廁所咁,若無其事,開門細聲啲,唔洗講咁多,唔洗揮哂手,起身就 GO GO GO !開頭可以先試 2、3 分鐘,然後慢慢加長時間,等狗狗知道,主人只係離開一陣,「等陣就會返嚟,自己一個其實都Okay呀」,出門之前都留意吓狗狗有冇變得好焦慮不安,如果有,狗狗可能有「分離焦慮症」嘅症狀!呢個時候就要去搵專業人士幫手啦! 如果你家毛孩仲喺你每次出門都吠個不停或四處搗亂,咁你應該搵專業狗隻訓練師幫手 / 上上訓練班啦!