Wonderland Blog

狗狗淚痕知多少？

Posted by Wonderland

短鼻品種例如八哥同西施好多時都會有深深嘅淚痕，之但係點解自己嘅狗狗明明唔係短鼻，但都會有咁深嘅淚痕嘅呢？狗狗嘅淚水其實多數係從鼻淚管排出，若然狗狗並非短鼻嘅狗種而有淚痕，咁你就要留意以下幾點啦：
1. 狗狗日常飲食含鹽量高而且飲水不足，會容易造成淚痕

2. 淚腺炎或耳道感染會造成狗狗不正常大量淚水分泌；或者鼻淚管堵塞，都會令淚水向外流出，造成淚痕

3. 睫毛倒插刺激眼角膜，同樣會造成大量淚水分泌，造成淚痕

4. 遺傳毛病原發性淚水過多症會令淚液經常分泌過盛，容易造成淚痕

若果係因為炎症或疾病原因，當然要咨詢獸醫啦。日常都可以恆常幫狗狗清除淚痕，控制飲食去減淡深深嘅淚痕。雖然寵物美容可以幫狗狗去除淚痕，但日積月累嘅淚痕絕對唔係一時三刻就可以清得到 。所以請各位主人恆常幫狗狗清潔眼睛啦！市面上有很多眼部護理產品可以有助去淚痕，而且性質溫和 。如果唔知邊隻好，好歡迎問下Wonderland嘅美容師架！